គណៈកម្មការទី១ ព្រឹទ្ធសភា បានបើកកិច្ចប្រជុំផ្ទៃក្នុងគណៈកម្មការ ក្រោមអធិបតីភាព ឯកឧត្តម យ៉ង់ សែម ប្រធានគណៈកម្មការ
នាព្រឹកថ្ងៃទី២២ ខែធ្នូ ឆ្នាំ២០២៣ គណៈកម្មការកិច្ចការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (គណៈកម្មការទី១) បានបើកកិច្ចប្រជុំផ្ទៃក្នុងគណៈកម្មការ ក្រោមអធិបតីភាព ឯកឧត្តម យ៉ង់ សែម ប្រធានគណៈកម្មការទី១ព្រឹទ្ធសភា ដើម្បីពិនិត្យពិភាក្សាលើរបៀបវារៈចំនួន០៤គឺ៖
១- ពិនិត្យពិភាក្សាលើរបាយការណ៍ប្រចាំឆ្នាំ ២០២៣របស់គណៈកម្មការទី១ព្រឹទ្ធសភា។
២-ពិនិត្យលើ រាយការណ៍ការងារដែលត្រូវបញ្ចប់នៅចុងអាណត្តិ។
៣-ពិនិត្យពិភាក្សាអំពីថវិកា។
៤-ពិនិត្យលើបញ្ហាផ្សេងៗ និងការចូលរួមជាមតិយោបល់របស់ឯកឧត្តមសមាជិកអង្គប្រជុំ។
កិច្ចប្រជុំនេះប្រព្រឹត្តនៅសាលប្រជុំគណៈកម្មការទី១ព្រឹទ្ធសភា ដោយមានការអញ្ជើញចូលរួមពីឯកឧត្តម អនុប្រធាន លេខាធិការ សមាជិកគណៈកម្មការទី១ព្រឹទ្ធសភា ព្រមទាំងមន្ត្រីលេខាធិការដ្ឋានអមគណៈកម្មការទី១ព្រឹទ្ធសភា។
ប្រភព៖នាយកដ្ឋានព័ត៌មាន
